Occurrence 17974
(formerly occ/1270)

Ὁρᾶς θεατὰ τὴν παροῦσαν πυκτίδα.
πέφυκεν αὕτη Γρηγορίου πανσόφου
τοῦ θεολόγου, τῆς βροντῆς τῶν δογμάτων
τοῦ τὰς φάλαγγας κακοδόξων ἁπάσας
πυρὶ καταφλέξαντος ἀσβέστω λόγου.
πίστιν δὲ τρανώσαντος αὐτὴν, ὡς θέμις
τήν τῆς Τριάδος καὶ σοφῆς μοναρχίας.
κτᾶται δὲ ταύτην ἐν διαπύρω πόθω
ὁ Συναδηνὸς Κομνηνὸς Ἰωάννης
ἀνακτόγαμβρος, στρατοπεδάρχης μέγας.
οὐδεὶς γὰρ ἄλλος τῶν βροτῶν τῶν ἐν βίω
στρατηγικαῖς χάρισιν ἠγλαϊσμένος
καὶ βασιλικαῖς ἀξίαις ἐστεμμένος
τοσαύτας αὐχεῖ θείας ἱερὰς βίβλους
ὡς οὗτος ἀνὴρ παγκλεής τε καὶ μέγας
καὶ γὰρ κενοῖ πάντα γε τὸν τούτου βίον
εἰς κτῆσιν αὐτῶν τῶν θεηγόρων βίβλων
κενοῖ χρυσόν τε καὶ λίθους (καὶ) μαργάρους
πρὸς κτῆσιν αὐτῶν τῶν λογίων κυρίου,
τῶν ὡς ἀληθῶς ὑπὲρ χρυσίον ὄντων
καὶ τιμιωτέρων τε τῶν διαφανῶν λίθων,
οὐ φείδεται χρημάτων οὐδὲ κτημάτων
οὐ παντοδαπῆς τιμίας ἄλλης ὕλης
μία δέ τις ἔνεστιν ἡ προθυμία
ἡ τῶν ἁπασῶν ἱερῶν κτῆσις βίβλων.
ὑπὲρ δὲ ταύτης τῆς καλλίστης ἀγάπης,
ἣν πρὸς Θεὸν ἔχει τὲ καὶ πρὸς τὰς βίβλους,
ἐνταῦθα μὲν λήψαιτο τοὺς μισθοὺς, ὅσους
ὡς παμμυρίους ναὶ μὰ τὸν φήσαντά γε,
μετὰ μόρον δὲ, τὸν παράδεισον λάχος
καὶ τὴν ἀνεκλάλητον τρυφὴν τὴν ἄνω,
ἣν ἐβράβευσε τοῖς δικαίοις πρὸ χρόνων :-
Type(s) [2478] Ὁρᾶς θεατὰ τὴν παροῦσαν πυκτίδα. (32 verses)
Text source R. Devreesse, 1937, Codices Vaticani Graeci. Codices 330-603 (vol. 2), Vatican City: 218
Text status Text completely known
Date 13th c.
Manuscript VATICAN CITY - Biblioteca Apostolica Vaticana - Vat. gr. 456 [1276-1300]
Place in Manuscript f. 467v
Person(s)
Patron
Ioannes Komnenos Synadenos monkname Ioakeim (13th c. - 14th c.) - RGK: II.311 - VGH: 241.A - PLP: XI.27125 (megas stratopedarches)
Metre(s) Dodecasyllable
Genre(s) Patron-related epigram
Bibliography
Number of verses 32
Related occurrence(s)
Acknowledgements
Contributor(s)
Permalink https://www.dbbe.ugent.be/occurrences/17974
Last modified: 2016-09-05.