| στίχοι ἡρωϊκοὶ τοῦ ἁγιωτάτου π(ατ)ριάρχου θεουπόλεως | μεγάλης ἀντιοχείας, καὶ πάσης ἀνατολῆς κ(υρίο)υ |θεοδώρου τοῦ βαλσαμὼν χάριν τῆς παρ’ αὐτοῦ γενομένης | ἐξηγήσεως τοῦ νομοκανόνου τῆς καὶ δηλουμένης ἐν παρούση βίβλω:- |
| |
| Ἀστέρες ὡς πολύφωτοι ἀφεγγοῦς ὄμματα νυκτὸ(ς), |
| κανόνες ἐκγεγάασιν ἐρικυδέων κηρύκων· |
| θεσπεσίων π(ατέ)ρων τε πρικλυτέα θεσπίσματα, |
| ἀλλ’ οὕτω τελέθοντες ἀπλανεῖς οὐρανοβάλ(αι), |
| παύροις ἐν πεδίοισιν ἰλαδὸν ἔτελλον φῶτα. |
| τοι γὰρ ἀντολίηθεν ἐωσφόροι ἀμφανέντες, |
| κεῖσε πανημέριοι λάμπον καὶ κατὰ νύκτα, |
| ἄλλοι δ’ ἑσπερίοισιν ἐνὶ μερόπεσσι φύντες, |
| τάων κατεσάωσαν ἁμαρτίαν ἐρεβεννήν. |
| μῆνις γὰρ κρυόεσσα διοτρεφέων βασιλήων, |
| καὶ τοὺς γ’ εὐδρομέοντας ἐπὶ τόπον ἴσχανε τυτθ(ὸν). |
| ὠκεανὸς δ’ οὓς γείνατο παγχθονίης συνοδικῆς, |
| τούτους ἐν μεμβράναις, ὥς γ’ ἐν σήματι θνητοῦ, |
| κατὰ μωσῆν ἰσόθεον φαραωκτόνον ἐσθλόν, |
| μ(ήτ)ηρ κατέθετο κυδρὴ. ὀψιγόνοις μέγ’ ὄνειαρ. |
| ἀτὰρ οὐδὲ μαχεύμενοι ἔσχον ἑτάρων ἰσχύν· |
| ἴσχανε γὰρ σύμπνοιαν, ἀφιλτέρα διάστασις. |
| ἄναξ εὐρυμέδων δὲ κραταιὸς πάνσοφος λέ(ων)· |
| καὶ φώτιός τ’ ἀγακλυτὸς πατριάρχης· |
| τὴν δ’ οὐρανίαν τετραγωνίσαντες σφαῖρ(αν), |
| τέτταρα κατὰ κλίματα ἠδὲ μέτρα πάσ(ης) γ(ῆς) |
| κανόσιν ὡς ἄστρασιν ἀπλανέσιν· ἠδὲ πλανήτ(αις), |
| πρὸς δὲ νόμοις ἠπείροιο λευκαίνουσι κελεύθ(ους), |
| ῥεῖα κατηστέρισαν· σοφίη τε φραδμοσύνη τε. |
| ἑπτάπολον σφαῖραν γάρ ἠύθ’ ὁρίζοντ’ ἀγλαὸν |
| ἑπτάδα τ’ ἀθέσφατον· ἀειστροφέων πλανήτ(ων)· |
| ἑπτὰ παγχθονίων συνόδων κανόνας ὁλολαμπ(εῖς)· |
| ἐνθάδε προΐαψαν ἀειφανῶς ἀνατέλλειν· |
| ὡς δύο καὶ δέκα δὲ ψυχοτροφέας αὖ ἀστέρ(ας), |
| ζώδια τοὺς καλέουσιν ἀμύμονες οὐρανοφάνται |
| δώδεκα κηρύκων ζαθέων· κανόνας ἰδ’ ἐφετμάς, |
| λάμπειν ἐν μερόπεσσι πλανήταις τετάχατ(ον). |
| ἴδης, ἢν ἐθέλης. καὶ πληϊάδων ἑπτάδα· |
| αὐγὰς ὣς προχέουσαν ἀειλαμπεῖς ἐνὶ κόσμω· |
| θεῖα θεοπρόπια ἑπτὰ συνόδων ἁγίων· |
| ἃς τοπικὰς φάσκουσιν ἀληθεῖς ἱεροφάνται |
| ἄθρει καὶ πόλον αὖτε νότιον νειλοτροφῆα |
| κύδιμον ἀθανάσιον ἐρίηρόν τε κύριλλον |
| ἀστέρας ἀλεξανδρείης· ὄμματα λιβύης, |
| καὶ πόλον ἠδὲ βόρειον καππαδοκήων πατέρα· |
| βασίλειον πάμμεγαν ἄτρυτον ἀσεβοφόντ(ην)· |
| ναὶ μὴν καὶ θρασυκάρδιον ὠρίωνα κρατερ(όν), |
| ίωάννην χρυσόστομον ἀντιοχήων κρηπῖδα· |
| ἄρτεμην. σφάττοντα βαλιὴν εὐδοξίαν· |
| οὔνεκα χήρας, οἰνοτόκον λωβήσατο γαῖ(αν)· |
| ἔστι καὶ λύρα τετράχορδος ταῖσδ’ ἐνὶ μολπ(αῖς)· |
| θείου πν(εύματο)ς αὔρη πληττομένη πλησμίως· |
| ἥτις ἐσσομένοισι μετ’ ἀνθρώποισιν ἔσται, |
| ἀοιδὰς ἰάχουσα ἀληθοῦς σωτηρίης· |
| ἔστων δ’ οὗτοι, κυδάλιμοι γρηγόριοι δύο, |
| νυσσαέων ὁ πρόεδρος· καὶ ὃς ἀνὰ πᾶσαν γῆν, |
| λάμψε θεηγορίη· διδάγμασι τε θεοῖο· |
| ἄραρε τῆσδε λύρας τετραχόρδοιο φθόγγω, |
| καὶ πέτρος ἀλεξάνδροιο ὃς λάχε πτολίεθρ(ον)· |
| πρὸς δ’ αὖ διονύσιος· ἀχαιῶν ὄρχαμος ἱερός· |
| τοίην οὐρανίην κατηστέρισαν πυκτίδα· |
| ἄναξ ἠδὲ π(ατ)ριάρχης· ῥώμης συνοχῆες· |
| ὅσοι γοῦν ὁράατε ἀπλανῶς διὰ ταύτης, |
| κανονικὰ θεσπίσματα πιστῶν δεύτερα φῶτα. |
| καὶ νόμιμ’ ἐκσφαιρισθέντα τῆς συστοιχί(ας), |
| λιτάζεσθε θεοῖο τρισυπόστατον φύσιν· |
| ἣ πόλον ἐστερέωσεν· ἴδ’ ἄστρων ἄπλετα φύλα· |
| εὐσεβέσι μὲν κείνοις ἀρχιερεῖ βασιλεῖ τε, |
| οἳ ταῖς δ’ ἐν μεμβράναισι πόλον ἐξετάνυσαν, |
| ἠὺ δέριν κατὰ δα(υὶ)δ ἀσματογραφῆα, |
| ἀϊδίην πορσύναι οὐρανῶν βασιλείην. |
| τῶ δ’ αὖ ἀντιοχείης ταπεινῶ π(ατ)ριάρχη, |
| βαλσαμὼν θεοδώρω· ὃς τῶνδ’ οὐρανί(ων), |
| σωμάτων τολύπευσεν ἀπειρεσίους δυνάμ(εις), |
| πλανήτων τε νόμων ὑποχθονίην κατάδυσ(ιν), |
| πρὶν λάχε θρόνον ἀντιοχείης πάρος κυδρ(ῆς), |
| σ(ωτη)ρίην ψυχῆς· ταύτης γὰρ πέρι θρηνεῖ:+ |