Occurrence 16928
(formerly occ/36)
στίχοι ἡρωϊκοὶ εἰς τὸ ψαλτήριον | |
δέρκεο πᾶς σοφίης πολυήρατον ὄλβον ἐχούσης | |
βένθος ἐς ἄντα ἰδὼν ἐρικυδέος οἴμης κεδνῆς | |
δα(υὶ)δ γὰρ μελίγηρυν ἔχειτ᾽ ἐροέσσαν ἀοιδὴν | |
θελξίνοον πραπίδεσιν ἴδʹ οὔασι δώτορ’ ἐάων | |
οὐδὲ γὰρ ἕν τι κέκευθεν ὀνήσιμον ἔνδοθι μοῦνον | |
ἀλλὰ νύτʹ αἰολόμητιν ἀνοίγνυσι κάρτατον οἶμον | |
πρῶτα γὰρ ἱστορίη πινυτὸν νόον ἔργμασι φαίνει | |
ἤν ἐθέλης πολύιδριν ἔχειν νόον ἱστοριάων | |
αὐτὰρ ἔπειτʹ ὀφέλει ἐνὶ ἤθεσι πᾶσιν ἐρωήν | |
ἴσκει πάντα ἐόντα τάτʹ ἐσσόμενα πρό τʹ ἐόντα | |
τόσσον ἄρʹ ἔπλετʹ ὄνειαρ ἐνὶ βροτέηισι γενέθληις | |
ἀλλὰ κύδιστε μέγιστε μεγασθενὲς ἄφθιτε σῶτερ | |
αὐτὸς ἄρʹ ἡγεμόνευε τεῶι θεράποντί γε μάρκωι | |
ἀτρεκέος βιότοιο κατὰ στίβον ὡς ἀγορεύει | |
πυκτίδος εὐφραδέως ἱερὸν μέλος ἐκ σέθεν αἴγλης | |
δαυίδου πινυτῆ τι θεηγορίηισιν ἀρίστου | |
αὐτὰρ δʹ ἀμφιέποντα δίδου περικαλλέα δῶρα | |
οὐ(ρα)νὸν ἀστερόεντα καὶ ὄλβιον ἄμβροτον αὖθις | |
χῶρον ἀριπρεπέα ξυνὸν οἷς ἐσάωσας ἐόντα:‒ |
Last modified: 2021-04-12.