Type 6796
(formerly typ/4706)

Ματθείης βίβλοιο τὰ θαύματα, ὁππόσ’ ἔρεξε
Χριστὸς ἄναξ βροτέῳ σώματι κιρνάμενος.
Πρῶτον μὲν λεπροῖο πικρὴν ἀπεσείσατο νοῦσον,
Εἶθ’ ἑκατοντάρχου παιδὸς ἔπηξε μέλη.
Τὸ τρίτον αὖ Πέτρου ἑκυρῆς φλόγα ἔσβεσε χειρί.
Τέτρατον, οἶδμα μέγα εὔνασε καὶ ἀνέμους.
Δαίμονας ἧκε σύεσσι τὸ πέμπτον, ἐν Γεργεσσηνοῖς.
Ἕκτον, ἑὴν κλίνην ᾖρε βαρὺς μέλεσιν.
Ἕβδομον, ἁψαμένης πηγὴν σχέθεν αἱμοροούσης.
Ἄρχοντος θυγάτηρ ὄγδοον εὗρε φάος.
Ἔννατον αὖ, τυφλοῖσι πόρεν φάος. Ἐκ δ’ ἐλαθέντος
Δαίμονος, οὐ λαλέων ῥῆξε λόγον, δέκατον.
Σαββάτῳ ἑνδέκατον, ξηρὴν χέρα λύσατο δεσμῶν,
Ὄσσε δὲ δαιμονίου κ’ οὔατα, δωδέκατον.
Ἐκ δεκάτοιο τρίτον, κοφίνους δυοκαίδεκα πλῆσε,
Κἀνδρῶν χιλιάδας πέντ’ ἀπὸ πέντ’ ἀκόλων.
Τέτρατον ἐκ δεκάτου δὲ, κιχήσατο νῆα πόδεσσι·
Τοῖς δ’ ὑπόειξε μέγας πόντος ὀρινόμενος.
Πέντε δὲ καὶ δέκατον, Χαναναίας πνεῦμ’ ἐδίωξε,
Μητρὶ χαριζόμενος πολλὰ λιταζομένῃ.
Ἕκτον καὶ δέκατον, σπυρίδας λίπον ἕπτ’ ἀπὸ ἑπτὰ
Ἄρτων, χιλιάδες τέσσαρες, ἦν τε κόρος.
Ἑπτὰ δὲ καὶ δέκατον, θείην ἠλλάξατο μορφὴν,
Στράψας οἷσι φίλοις ἠελίοιο πλέον.
Ὀκτωκαιδέκατον δὲ, σεληναίης ἀπὸ νούσου
Ὡς ἱκέτευσε πατὴρ, λύσατο παῖδα φίλον.
Ἐννεακαιδέκατον, φάος ὄμμασιν ἐξ Ἱεριχοῦς
Τυφλοῖς εἰνοδίοις δῶκε πορευόμενος.
Εἰκοστὸν δ’ αὐγὰς πόρεν ὄμμασι, πηρά τ’ ἔλυσε
Γούνατα, ἐξ ἱεροῦ λύματα πάντ’ ἐλάσας.
Θαῦμα δὲ Βηθανίηθεν ἰὼν ποίησε μέγιστον,
Ξηρὴν αἶψα συκῆν, ὥς μιν ἄκαρπον ἴδεν.
Ἐκ δ’ ἐχύθη σταυροῖο βαθὺ σκότος, οἰχομένοιο
Φωτὸς, καὶ νηοῦ εὐρὺ πέτασμα ῥάγη.
Γαῖα δὲ παλλομένη, γαίης ὕπερ ἔσχισε πέτρας,
Καὶ νέκυες τύμβους λεῖψαν ἀνεγρόμενοι.
Αὐτὰρ ὅγε τριτάτῳ ἐνὶ ἤματι τύμβον ἀνοίξας,
Αὖθις ἑοῖσι φίλοις ἐν Γαλιλαί’ ἐφάνη.
Title(s) Τὰ τοῦ Χριστοῦ θαύματα κατὰ Ματθαῖον
Text source J. Migne, 1862, Patrologiae cursus completus. Series graeca (vol. 37), Paris: 488-491
Text status Text completely known
Editorial status Not a critical text
Genre(s) Text-related epigram
Person(s)
Poet
Gregorios of Nazianzos < Cappadocia (329 - 25/01/390) - PBW: Gregorios/128/
Metre(s) Elegiacs
Subject(s)
Tag(s)
Bibliography
Number of verses 38
Occurrence(s) [25552] Ματθείης βίβλοιο τὰ θαύματα· ὁππόσ’ ἔρεξε
ANN ARBOR - University of Michigan Library 24 (f. 4v-5v)
(38 verses)
Acknowledgements
Identification Vassis ICB 2005, 449: "Greg. Nazianzenus, Miracula Christi sec. Matthaeum"
Permalink https://www.dbbe.ugent.be/types/6796
Last modified: 2021-01-14.