Type 2165
(formerly typ/211)

Τοῦ τῆς Κύπρου μὲν ποιμένος καὶ δεσπότου,
μακαριωτάτου ἀρχιεπισκόπου,
τοῦ ποιμενάρχου Κυπρίων Ἰωάννου,
τῇ προσταγῇ γέγραφε τήνδε τὴν βίβλον,
γραφεὺς Μανουὴλ Ἁγιοστεφανίτης,
ὁ καὶ παρ᾽ αὐτοῦ τοῦ πάνυ ὑπερσόφου,
εὐεργετηθεὶς πολλάκις ἀνενδότως,
ὃς καὶ πεφυκὼς εὐτελέστατος θύτης,
τοῦ παντάνακτος ἐργοτεχνίτου λόγου,
ἐπευχαριστεῖ καὶ τρανῶς μεγαλύνει,
τὸ χρυσοτευκτόμορφον ἀγλαὸν στόμα.
Καὶ ψυχοτερπέστατον εὐμελὲς μένος,
καὶ πνευματοπρόβλητον εὐμενὲς μέλος,
κροτούμενον κρούματι πανσθενοκρότω,
νοοτρόφους ἴυγγας εὐηχεστάτους
εἰς πᾶσαν ἀνέμελψεν τὴν οἰκουμένην,
ᾗ καὶ λελοιπὼς τὴν χρυσόβλητον βίβλον,
σειρηνοθελκότερπνον εὐμελεστάτην,
πᾶσαν ἀκριβῶς ἠκρίβωσε δελτάδα,
εὐχῶν δὲ κατάπαυσιν οὐδαμῶς φέρει,
πρὸς τὸν μέγα τοῦ θεοῦ ἀρχιεράρχην,
τὴν χρυσοβρυτόρρυτον ὑδάτων ῥύσιν,
καὶ μυσταγωγὸν εὐσεβῶν διδαγμάτων,
καὶ κήρυκα κράτιστον ἀληθῶν λόγων,
Ἐπιφάνιον ἀπόστολον τὸν μέγαν,
ὡς ἂν νέμοιτο τῷ ποιμενάρχῃ τούτου,
ζωὴν πολυχρόνιον ὑγείας πλάτος,
εὔρωστον, εὐφρόσυνον, εὔθυμον βίον.
Ἀλλ᾽ ὦ μάκαρ πρώτιστε τῶν μακαρτάτων,
ὦ τερπνολαμπρότατε χρυσὲ τοῖς λόγοις,
τοῖς ἡδυτάτοις καὶ ψυχοτρόφοις λόγοις,
χάριν ἀνεξάντλητον ἢ βρύσιν νέμοις,
πολλῶν ἀγαθῶν ἐν χρόνοις πολυχρόνοις,
τῷ τήνδε βίβλον προστάξαντι γενέσθαι.
Title(s) Στίχοι εἰς τὸ πλήρωμα τοῦ τετραυαγγέλου
Text source C. Constantinides, R. Browning, 1993, Dated Greek Manuscripts from Cyprus to the year 1570, Washington: 85
Text status Text completely known
Editorial status Not a critical text
Genre(s) Patron-related epigram
Metre(s) Dodecasyllable
Subject(s)
Tag(s) Dedication
Comment Text of Constantinides & Browning (1993: 85) modified by DBBE.
Bibliography
Number of verses 34
Occurrence(s) [17583] Τοῦ τῆς κΰπρου μὲν ποιμένο(ς) κ(αὶ) δεσπότου
NEW YORK - H.P. Kraus Library olim ANDROS - Monê Hagias (Zôodochou Pêgês) 32 (f. 341r-341v)
(34 verses)
Acknowledgements
Identification Vassis ICB 2005, 797: "Librarii subscr."
Permalink https://www.dbbe.ugent.be/types/2165
Last modified: 2021-03-25.