Occurrence 22756
(formerly occ/6643)
Στίχοι | |
Ἀνῆλθε Χριστὸς ἐξ ὄρους πρὸς τὸν πόλον, | |
πατρῷον ἐξώρμησεν εἰς πυρὸς θρόνον | |
καὶ σάρκα θνητὴν τὴν κατακεκριμένην | |
ἄνω τίθησιν ἀγγέλων, ἀρχαγγέλων, | |
κυριοτήτων καὶ θρόνων πυριπνόων, | |
θρόνῳ καθίζει τοῦ Πατρὸς βροτῶν φύσιν. | |
μήτηρ πάρεστι σὺν μαθητῇ εἰς ὄρος, | |
ὁρῶσι θείους ἀγγέλους ἀφιγμένους | |
λέγοντας οὕτως· «δευτέρᾳ παρουσίᾳ | |
ἐλεύσεται τάχιστα τόνδε τὸν τρόπον | |
κρίνων ἅπαντας καὶ φίλους σώζων μόνους». |
Last modified: 2023-01-12.