Occurrence 19488
(formerly occ/2978)

Ἱππόκρατές τε (καὶ) γαληνὲ καὶ ροῦφε·
χείρων δὲ καὶ σὺ φαρμάκων ἐφευρέτα
ἡ τετράριθμος τῶν παθῶν γαληνότης·
ἄλλη τε πληθὺς τῶν σοφῶν ἀκεστόρων
κόλποις χαρὰν δέχοιο καὶ κρότει μέγα·
πονους γὰρ ὑμῶν τοὺς πριν ἡμαυρωμένους
αὐχμῶντας ἤδη καὶ παρημελημένους.
καὶ φθειριῶντας ὡς λόγος καλλισθένην
νικήτας εὑρῶν παγκρατὴς ἱπποκράτης
ἐξεῦρεν ἐξέδωκεν ὕψωσεν μέγα·
ἄλλων τε πολλῶν σωματουργεῖ κ(αὶ) φέρει·
λύσεις παθῶν φάρμακα τραυμάτων ἄκη·
κ(αὶ) πᾶσαν ἁπλῶς συμβολὴν τῶν ὀστέων·
ἐξεικονίζει τῆι γραφῆι τοῦ ζωγράφου·
οὐκοῦν ἐάν τις εὐθετεῖ(ν) σκελῶν βάσιν·
θραύσεις τε μηρῶν ἐμβολὴν τῶν σπονδύλων·
χωλοὺς ἀνιστᾶν καὶ τελεῖν δρομηφόρους·
ποδαλγιωντας ἐκροῆς τῶν ἰσχίων
τὸ ῥεῦμα δεσμεῖν κ(αὶ) κρατύνειν τ(ους) πόδας·
ἄλλην τε τοῦ σώματος ὀστώδη θέσιν·
θραύουσαν εἰς σύμπηξιν ἁρμόσαι θέλοι,
ὧδε σκοπείτω τῆς γραφῆς τὰς εἰκόνας·
καὶ πασαν εὑρήσειε τῶν παθῶν λύσιν·
ἀλλ᾽ οὖν ἄπαντες τῶν σοφῶν ἀκεστόρων
νέοι προγηράσαντες ὑπουργῶν ὅσοι·
γυμνα κρατεῖτε ρωστικώτατα ξίφη·
στέψατε λοιπὸν τῆς γραφῆς τὸν ἐργάτην·
ἐκ μουσικῶν πλέκοντες ἄνθη τῶν λόγων.
τὸν γὰρ φανέντα κοσμικὸν εὐεργέτην.
πρέπει γεραίρειν ὡς τέχνης φίλον λόγοις
ἀλλ οὖν παρ ἡμῶν τουσδε τοὺς λόγους δέχου,
πρώτην ἁμοιβὴν τῶν σοφων σου πρακτέων·
χαίροις ὁ δειχθεις εὐσθενης ἱπποκράτης
κ(αὶ) πανγάληνος τῶν παθῶν γαληνότης ·:·
Type(s) [3567] Ἱππόκρατές τε καὶ Γαληνὲ καὶ Ροῦφε (34 verses)
Text source DBBE (Inspection of a reproduction of the manuscript)
Text status Text completely known
Date 10th c.
Manuscript FLORENCE - Biblioteca Medicea Laurenziana (BML) - Plut. 74, Cod. 7 [10th c.]
Place in Manuscript f. 7v -- (alt.) f. 8v
Person(s)
Patron
Niketas (10th c.)
Contextual information This is the first in a series of three book epigrams which precede Hippocrates' works.
Metre(s) Dodecasyllable
Genre(s) Patron-related epigram
Subject(s)
Image source(s) http://teca.bmlonline.it/ImageViewer/servlet/ImageViewer?idr=TECA0001111865&keyworks=plut.74.07#page/24/mode/1up
Bibliography
Number of verses 34
Acknowledgements
Transcriber(s)
Permalink https://www.dbbe.ugent.be/occurrences/19488
Last modified: 2021-05-19.