Occurrence 18776
(formerly occ/2163)

+ ἡ βίβλος αὕτη τῆς μονῆς πέλει ξένε,
τῆς παναχράντου καὶ βασιλίδος κόρης,
καὶ παντανάσσης Μαριὰμ τῆς παρθένου,
τῆς ὡς ἀληθῶς ὑπερευλογημένης,
ἧσπερ δομήτωρ Φιλόθεος ὁ μάκαρ,
φιλόξενός τε καὶ φιλόχριστος γέρων,
ἐν φιλαδέλφοις καὶ φιλοπτώχοις λίαν,
ἧς καὶ προεστὼς χαριέστατος φύσει,
ὡς ἱερουργῶν πανάριστος τὸν τρόπον,
Λουκᾶς ὁ θαυμάσιος ἐν μονοτρόποις,
καὶ χριστοπρεπὴς κατὰ τὰς διαθέσεις,
τάς τε νοητὰς καὶ προφανεῖς εὖ μάλα,
οὗπερ κελεύσει δεξιοτρόπου λόγου
καὶ φιλοκάλω προτροπῆ διαγράφη
ἐν ἧ τὰ θεσπέσια τοῦ τρισολβίου
καὶ τρισμάκαρος στουδίτου Θεοδώρου,
καὶ πανσόφου κήρυκος ὀρθοδοξίας,
τὰ πνευματικὰ διεχαράχθη ξένως
καὶ ῥητορικοῖς καλλιγραφήθη λόγοις,
εφ᾽ οἷς ὑπὲρ μάργαρον, ὑπὲρ χρυσίον
ὑπὲρ διαυγεῖς ἄνθρακας καὶ λυχνίτας,
ὑπὲρ σμαράγδους καὶ τοπάζια ξένα,
τὰς θεσπεσίους καὶ μακαριωτάτους
φέρει διδαχὰς τῶν ἐκείνου χειλέων
εἰς κόσμον αὐτῆς ἀγλαέστατον φύσει,
καὶ χαριτουργόβρυτον αὔχημα μέγα,
ὅς γοῦν ἀποσπάσειε δυσμενοτρόπως,
τῆς μάνδρας αὐτὴν τῆς θεοφιλεστάτης,
ἀλλότριος γένοιτο δόξης κυρίου,
τοῦ παμβασιλεύοντος φύσει δεσπότου
καὶ παντάνακτος τοῦ θεανθρώπου λόγου,
αὐτός δε παμφίλτατε τῆ διαθέσει
καὶ τῆ φυσικῆ γλυκύτατε φιλία,
ὁ ταῦτ᾽ ἀναγνοὺς φιλομαθοῦντι τρόπω,
ἡμῶν χάριν εὔχοιο τεθλιμμένων,
ὡς ἄν πρὸς αὐτοῦ τοῦ θεανθρώπου λόγου,
καὶ παντάνακτος παμβασιλέως λέγω,
καὶ σοὶ χαριτόβρυτον εὐκαίρως κλέος,
εὐεργεσίας ἐξυπερτάτων φθάση
ταῖς πανταχράντου Μαριὰμ προστασίαις.
Type(s) [3042] ἡ βίβλος αὕτη τῆς μονῆς πέλει ξένε (40 verses)
Text source B. Fonkič, F. Poljakov, 1993, Grečeskie rukopisi Moskovskoj Sinodal’noj Biblioteki. Paleografičeskie, kodikologičeskie I bibliografičeskie dopolnenijak katalogu Archimandrita Vladimira (Filantropova), Moscow: 76-77
Text status Text completely known
Date 1351-1400
Manuscript MOSCOW - Gosudarstvennyj Istoričeskij Musej (GIM) - Sinod. gr. 211 (Vlad. 208) [14th c.]
Place in Manuscript f. 166r-166v
Metre(s) Dodecasyllable
Genre(s) Scribe-related epigram
Number of verses 40
Acknowledgements
Contributor(s)
Permalink https://www.dbbe.ugent.be/occurrences/18776
Last modified: 2019-05-18.