Occurrence 18771
(formerly occ/2156)
| + ὡς ἄρα καπνὸς ἤ σκιὰ τὰ τοῦ βίου | |
| καὶ τέφρα καὶ χοὺς καὶ κόνις πατουμένη : | |
| ὁ πλοῦτος οὐδὲν ἢ βάρος κενὸν μόνον : | |
| ἡ δόξα πομφόλυγξ τις ἐκφυσωμένη : | |
| τῶν ἀξιωμάτων δὲ μικρά τις χάρις : | |
| ἕν ἄρα πάντων κατακαυχᾶται χρόνου : | |
| τῆς ἀρετῆς τὸ χρῆμα καὶ τὸ τοῦ λόγου : | |
| εἰς τί δὲ ταῦτα καὶ τίνος χάριν λέγω. | |
| τίμιος ἀνήρ. εὐκλεής. καλοῖς βρίθων | |
| ὅσσα τὲ γράφει ψυχικὴν ἀγλαϊαν. | |
| ὅσσα τὲ πλάττει σῶμα πρὸς εὐκοσμίαν | |
| τῆς ἀρετῆς εἰς ὕψος ὄρθιον φθάσας. | |
| λόγων τρόφιμος. εὖ ἔχων τῶν ἐν βίῳ. | |
| ἀκροπολιτῶν ἐκ γένους κατηγμένος. | |
| θεοῦ σοφίας ἁγνότατος λευΐτης | |
| τέλος δὲ ποιμὴν ποιμνίου τῶν σκοπίων | |
| κλῆσιν Μιχαήλ. οὐ μέχρι παντὸς βίου. | |
| ἀλλά γε καὶ Μάξιμος ἐν μονοτρόποις. | |
| δεινοῦ παρανάλωμα πίπτει θανάτου. | |
| νόσω βαρυνθεὶς καὶ τεταριχευμένος. | |
| καὶ τῶν τοσούτων ἀγαθῶν ἡ πλημμύρα. | |
| ἔδυ κατὰ γῆς καὶ καλύπτεται τάφω. | |
| τὴν ἀρετὴν ἀφεῖσα καὶ μόνην ἄνω | |
| μνήμης ἐκεῖνον ἀξιοῦσαν παγκάλως. | |
| ὅν καὶ μονὴ κρύψασα νῦν ἔνδον φέρει | |
| ἐν τοῖς σκοπῶν καθιδρυμένη τόποις | |
| Γεώργιον τιμῶσα μαρτύρων κλέος. | |
| εἰ τοίνυν ἀνδριάντα χαλκεύειν ἔδει | |
| σώζοντα τούτου πᾶσι τοῖς ὀψιγόνοις | |
| μνήμην ἀνεξάλειπτον εἰς μακροὺς χρόνους, | |
| οὐκ ἄν τις ἀπώκνησε πρὸς τὴν δαπάνην | |
| ἐπεὶ δὲ σεμνὸν οὐ πάνυ τι καὶ μέγα | |
| ἑλληνικῆς μέντοι σε τοῦτο μωρίας, | |
| ἐν μεμβράναις γράψαντι ἐνθέου βίβλου, | |
| μνήμη μακρᾶ κοσμοῦμεν οὕτω τὸν μέγαν | |
| λόγους ἀναφέροντι ἱκετηρίους | |
| ζώντων γραφῆναι τοῦτον ἄνω ταῖς βίβλοις. |
Last modified: 2021-02-02.
