Type 6015
(formerly typ/4005)
| Ὁ πρόλογος, ὦ δέσποτα, τῶν σοφῶν κεφαλαίων | |
| ἃ συγγραφὴ τυγχάνουσα Μαξίμου τοῦ μεγάλου, | |
| δι’ ὧν ἐκδιδασκόμεθα τὴν εἰς θεὸν ἀγάπην, | |
| πρῶτον μὲν ἐκδιδάσκει σε δι’ ἣν αἰτίαν ταῦτα | |
| εἰς τέσσαρας πεπόσωκεν ἑκατοντάδας πάντα. | |
| Τῶν γὰρ τεσσάρων τοῦ Χριστοῦ θείων εὐαγγελίων | |
| τὸν ἀριθμὸν τετίμηκε, καλῶς ποιῶν καὶ τοῦτο. | |
| Τὸ σύμπαν γὰρ μυστήριον τὸ τῆς διδασκαλίας | |
| τῶν πανιέρων καὶ σεπτῶν εὐαγγελίων, λέγω, | |
| εἰς τὴν ἀγάπην καταντᾷ, τὴν μόνην σώζουσάν σε. | |
| Ἀγάπης γὰρ οὐκ ἔξεστι δίχα τινὰ σωθῆναι, | |
| ἐν ᾗ καὶ περιέχεται πρᾶξις ἔνθεος πᾶσα. | |
| Δεύτερον δὲ διδάσκει σε πάλιν οὗτος ὁ λόγος | |
| ὅτι τὸ θεῖον σύγγραμμα τούτων τῶν κεφαλαίων | |
| ἀπὸ πολλῶν συνέλεξεν ἁγίων φιλοπόνων, | |
| ἀρχαιοτέρων καὶ σοφῶν καὶ θεοφορουμένων, | |
| ὧν τινας καταλέξω σοι τοῦ λόγου προϊόντος, | |
| ὅταν καὶ τὰ κεφάλαια τὰ περὶ τῆς ἀγάπης | |
| ταῦτα καθ’ὅσον δύναμαι καθ’ ἓν ἐπεξηγῶμαι. | |
| Ἔπειτα παραγγέλλει σε μετὰ φιλοπονίας | |
| ποιεῖσθαι τὴν ἀνάγνωσιν τῶν κεφαλαίων τούτων, | |
| ὡς δι’ ὀλίγων λέξεων, νοῦν πολὺν κεκτημένων | |
| ὠφέλιμον εἰς μάθησιν καὶ ψυχῆς σωτηρίαν, | |
| εἰ μετὰ φόβου θείου τις ἀναγινώσκει ταῦτα. | |
| Οὐκ εὔληπτα καὶ γάρ ἐστι ταῦτα τοῖς μὴ σπουδαίοις, | |
| μηδὲ τὸ πνεῦμα συνεργὸν τὸ θεῖον κεκτημένοις. | |
| Πρέπει δὲ τὴν ἀνάγνωσιν τῶν σοφῶν συγγραμμάτων, | |
| ὡς οὗτος πάλιν ἔλεξεν ὁ Μάξιμος ὁ μέγας, | |
| διὰ ψυχῆς ὠφέλειαν ποιεῖσθαι φιλοπόνως, | |
| μὴ μέντοι, καθὼς βλέπομεν τοὺς πολλοὺς τῶν ἀνθρώπων, | |
| φιλοδοξίας ἕνεκα καὶ φρυάγματος χάριν. | |
| Ὁ γὰρ τοιοῦτος ἄνθρωπος οὐκ ἂν ὠφεληθείη | |
| κἂν πάμπολλα συγγράμματα σοφῶν ἀναγινώσκῃ. | |
| Τοσαῦτα μὲν ὁ πρόλογος τῶν κεφαλαίων λέγει. | |
| Κεφάλαια δὲ λέγεται, διότι, δέσποτά μου, | |
| ἀπηρτισμένην ἔννοιαν ἕκαστον ἀποσώζει, | |
| ἅπερ ἐπιχειρήματα καλοῦσιν ἄλλοι πάλιν, | |
| ἀφορισμοὺς δὲ λέγουσι τῶν ἰατρῶν οἱ παῖδες. | |
| Ἐγὼ δὲ τὰ κεφάλαια λοιπὸν ἐκτίθημί σοι, | |
| εἰς τίτλους δὲ τρισκαίδεκα πάντα πεπόσωκά σοι, | |
| ἑκάστῳ τὰ προσόμοια καὶ συγγενῆ συνάξας | |
| μετὰ τῆς ἐξηγήσεως ἑκάστου κεφαλαίου, | |
| ὡς ἂν ἐντεῦθεν εὔληπτα καὶ προσηνῆ φανῇ σοι. |
| Text source | S. Lampros, 1882, Κερκυραϊκὰ ἀνέκδοτα ἐκ χειρογράφων Ἁγίου Ὄρους, Κανταβριγίας, Μονάχου καὶ Κερκύρας, Athens: 27-28 |
| Text status | Text completely known |
| Editorial status | Not a critical text |
| Genre(s) | |
| Person(s) | |
| Metre(s) | Decapentasyllable |
| Subject(s) | Maximos the Confessor (580 - 13/08/662) - PBE: 5416 - PMBZ: 16096: "Personenkennziffer: 4921/add." |
| Tag(s) | |
| Bibliography | |
| Number of verses | 43 |
| Occurrence(s) |
[23501] Ὁ πρόλογος, ὦ δέσποτα, τῶν σοφῶν κεφαλαίων
[13th-14th c.]
ATHOS - Mone Dionysiou 271 [13th-14th c.] (f. 1r-2r) (43 verses) |
| Acknowledgements |
Creator(s)
Contributor(s)
The credits system has been implemented in 2019. Credits from before the new system was in use might be incomplete. |
| Identification | Vassis ICB 2005, 541: "Nicolaus ep. Corcyrae, Praefatio in commentarium capitum Maximi Conf. de caritate" |
| Permalink | https://www.dbbe.ugent.be/types/6015 |
Last modified: 2023-09-12.
