Type 5770
(formerly typ/3789)
| Πίναξ ὅδ᾽ ἐστὶ τῆς παρούσης πυκτίδος, | |
| ἣ γῆθεν ὑψοῖ τοὺς μοναστὰς εἰς πόλον, | |
| καὶ τοὺς μιγάδας εἰς Ἐδὲμ φέρει τόπους, | |
| ἄνπερ τρέχειν θέλωσι τῆσδε κατόπιν, | |
| κἂν καὶ τραχεῖα κἂν ἀνάντης τὴν φύσιν | |
| πᾶσιν ὁμοῦ πέφηνε ταύτης ἡ τρίβος. | |
| Κλῖμαξ γὰρ ἐστὶν ἀπὸ γῆς διηρμένη | |
| ἄχρι φαεινῶν οὐρανοῦ σφαιρωμάτων, | |
| ἢ καὶ πλέον φθάνουσα τῶν μεταρσίων. | |
| Σπουδῆς τὸ λοιπὸν καὶ πολλῶν χρεία πόνων | |
| τοῖς ἀπὸ γῆς τρέχουσιν εἰς ὕψος τόσον. | |
| Μακαριστοὶ γοῦν οἱ δραμόντες εἰς τέλος, | |
| πρὸς τὰ στέφη βλέποντες, οὐ πρὸς τοὺς πόνους· | |
| οἱ δ᾽αὖ κάτω μείναντες ἐξ ἀβουλίας, | |
| καὶ μᾶλλον οἵπερ ἐκφυγόντες τὸν βίον, | |
| εἶτ᾽ἐμπαθῶς στρέψαντες αὑτοὺς εἰς βίον | |
| καὶ τὰς γεηρὰς φροντίδας ψυχοφθόρους, | |
| ὡς εἴθε λοιπὸν μὴ παρῆλθον εἰς φάος. | |
| Ὁ πρῶτος εὐθὺς πυκτίδος ταύτης λόγος | |
| τὴν ἀποταγὴν τοῦ βίου μὲν εἰσφέρει. | |
| Ὁ δεύτερος δὲ τῶν προσύλων πραγμάτων | |
| πᾶσαν ἀπροσπάθειαν ἡμῖν ἐγγράφει. | |
| Ὁ τρίτος αὖθις τὴν ξενιτείαν ἔχει | |
| καὶ τῶν ὀνείρων τῶν κενῶν τὴν ἀπάτην. | |
| Ὑπακοὴν δὲ τὴν μεμακαρισμένην | |
| τέταρτος ὑπέγραψεν εὐθέτως λόγος. | |
| Τρίβους μετανοίας δε τὰς ἐσκεμμένας | |
| ὁ πέμπτος ἅμα ζωγραφεῖ τὰς πανσόφους, | |
| καὶ τὴν φυλακὴν τῶν ἁγνῶν καταδίκων. | |
| Μνήμην καθυπέγραψεν ἕκτος θανάτου. | |
| Πένθος τὸ τερψίθυμον ἕβδομος φέρει. | |
| Θυμοῦ μακρυσμὸν καὶ πραΰτητος τρόπον | |
| διπλοῦς ἔχει τέταρτος ἐγγεγραμμένον. | |
| Μνησικακίαν τὴν κακὴν ψυχοκτόνον | |
| ἔνατος ὑπέγραψεν ἐντέχνως λόγος. | |
| Δέκατος ὑπέδειξεν ἄτοπον νόσον, | |
| καταλαλιᾶς τοὺς κακοτρόπους τρόπους. | |
| Καθ᾽εἱρμὸν ἑνδέκατος ἀθυροστόμους | |
| καὶ τῆς σιωπῆς ζωγραφεῖ τὴν ἀξίαν. | |
| Ψεῦδος παριστᾷ δωδεκάποσος λόγος. | |
| Τρισκαιδέκατος τὴν ἀκηδίαν ἔχει. | |
| Δεινὴν χαλινοῖ καὶ πονηρὰν γαστέρα | |
| ποσὸν δεκάτου καὶ τετάρτου τοῖς λόγοις. | |
| Ὁ πεντεκαιδέκατος ἁγνείαν φέρει | |
| καὶ σωφροσύνης καθαρᾶς θείας τρίβους. | |
| Ἑξκαιδεκάτους τὰς φιλαργύρους φρένας, | |
| πατρὸς τὸ σεπτὸν ἐξεφαύλισε στόμα. | |
| Δέκατος ἀνέγραψεν ἐνταῦθα λόγος | |
| μεθ᾽ἑβδόμου νῦν συνταγεὶς ἀκτησίαν | |
| καὶ τῶν φιλαργύρων τε τὴν ἀπληστίαν. | |
| Ὀκτωδέκατος τὰς ἀναισθήτους ἔχει | |
| ψυχὰς ταλαίνας καὶ νεκρὰς πρὸ θανάτου. | |
| Μακρὸν δεκατένατος ὕπνον ἐκτρέπει, | |
| καὶ τῆς προσευχῆς ζωγραφεῖ τὴν ἀξίαν, | |
| καὶ τὰς συνάξεις, εἰς Θεὸν ψαλμῳδίας. | |
| Εἰκοστὸς ὡρίσατο τὴν ἀγρυπνίαν | |
| τὴν σωματικὴν καὶ τὸ πῶς ἔχειν δέον. | |
| Ἄνανδρον ἡμῶν στηλιτεύει δειλίαν | |
| εἰκοστόπρωτος εὐφυῶς τεθειμένος. | |
| Εἰκοστὸς εὐθὺς εἰσφέρει σὺν δευτέρῳ, | |
| δόξης κενῆς νόσημα τῆς πατουμένης. | |
| Εἰκοστότριτος ὑπεροψίαν γράφει, | |
| μεθ᾽ἧς λογισμῶν μυσαρῶν βλασφημίας. | |
| Ἁπλῆν ψυχὴν ἔδειξε καὶ πρᾶον τρόπον, | |
| ἦθος πονηρὸν ἀκάκους τε καρδίας | |
| εἰκοστὸς ἅμα σὺν τετάρτῳ σοι λόγος. | |
| Παθῶν φθορὰν ἔγραψεν ἐντέχνως ἄγαν | |
| εἰκοστόπεμπτος καὶ ταπεινὰς καρδίας. | |
| Εἰκοστὸς ἕκτος τῶν λογισμῶν τὰς κρίσεις, | |
| μεθ᾽ὧν καθιστόρησεν ἀρετῶν φύσεις | |
| καὶ τὰς κινήσεις ἐμπαθῶν νοημάτων. | |
| Εἰκοστὸς ὑπέφηνεν ἕβδομος λόγος | |
| ψυχῆς τε καὶ σώματος ἥρεμον βίον. | |
| Τῶν ἀρετῶν δὲ τῶν πασῶν τὴν μητέρα, | |
| ἁγνὴν προσευχὴν καὶ μεμακαρισμένην, | |
| καὶ τὴν νοητὴν ἠκριβωμένην θέαν | |
| καὶ τὴν ὁρατὴν τῶν πραγμάτων ἰδέαν, | |
| εἰκοστὸς ἱστόρησεν ὄγδοος λόγος. | |
| Χθονὸς πόλον μέγιστον ἠστερισμένον, | |
| λήθης παθῶν ὕψωσιν ἐντελεστάτην | |
| ἀνάστασίν τε τῆς ψυχῆς τῶν ἐνθάδε, | |
| ἔνατος ὑπέγραψεν εἰκοστὸς λόγος. | |
| Τὴν συνοχὴν δὲ τῆς ἀρίστης τριάδος, | |
| πίστεως ἐλπίδος τε καὶ τῆς ἀγάπης, | |
| τὴν ὑστέραν μὲν ἐκτεθεῖσαν ἐνθάδε, | |
| πρώτην δὲ τυγχάνουσαν ὡς ὑπερτάτην, | |
| ὁ τριακοστὸς ἀναδιδάσκει λόγος. | |
| Θείας κλίμακος αἱ παροῦσαι βαθμίδες, | |
| δι᾽ὧν ἀνατρέχουσιν εἰς ὕψος πόλου, | |
| δι᾽ὧν ἐπιβαίνουσιν εἰς Ἐδὲμ τόπους | |
| ὅσοι δεδιψήκασιν αὐτὴν εἰς τέλος | |
| καὶ τὴν καλὴν ἤνυσαν εὐτόνως τρίβον. |
| Title(s) | βίβλος θείας κλίμακος |
| Text source | T. Antonopoulou 2014, Ανέκδοτοι στίχοι για την Κλίμακα του Ιωάννη του Σιναΐτη, in T. Kolias, K. Pitsakis , C. Synelli (eds.), Aureus, Τόμος Αφιερωμένος στον Καθηγητή Ευάγγελο Κ. Χρυσό, Athens, 19-25: 23-25 |
| Text status | Text completely known |
| Editorial status | Not a critical text |
| Genre(s) | |
| Metre(s) | Dodecasyllable |
| Subject(s) | John Klimax (6th c. - 7th c.) - PMBZ: 13914: "Personenkennziffer: 2791" |
| Tag(s) | |
| Critical Notes | Antonopoulou (2014: 25) 1 titulum βίβλος θείας κλίμακος praem. cod. manu posterioris ὅδ᾽ἐστὶ sic accent. cod. 7 γὰρ ἐστὶν sic accent. cod. metri gratia 10 τολοιπὸν … χρεῖα cod. 25 μεμακαρυσμένην cod. 27 δε sine accentu cod. metri gratia 38 ἐνδέκατος cod. 49 μεθ᾽ἑβδόμου] scripsi, μετ᾽ἐβδόμου cod.; cf. v. 31 ἕβδομος 69 sc. ἔγραψεν 72 ἔβδομος cod.; cf. supra, v. 49 75 μεμακαρυσμένην cod. |
| Bibliography | |
| Number of verses | 92 |
| Occurrence(s) |
[23130] Πίναξ ὅδ᾽ἐστὶ τῆς παρούσης πυκτίδος,
[14th c.]
PARIS - Bibliothèque Nationale de France (BNF) - Coisl. 87 [14th c.] (f. 1r-1v) (92 verses) |
| Acknowledgements |
Contributor(s)
The credits system has been implemented in 2019. Credits from before the new system was in use might be incomplete. |
| Identification | |
| Permalink | https://www.dbbe.ugent.be/types/5770 |
Last modified: 2021-09-28.
