Type 5640
(formerly typ/3695)

Τὸ μὲν δὴ οὖν ψαλμὸς Δαβὶδ γενικῶς εἰρημένον˙
ἐν ἄλλοις δὲ ψαλμὸς Δαβὶδ δοτικῶς λελεγμένον˙
ἔχει τινὰ διαστολὴν ἣν ἐφερμηνευτέον˙
ὅπου μὲν γὰρ ψαλμὸς Δαβὶδ γενικῶς προεγράφη,
αὐτὸς ἐκεῖνος ὁ Δαβὶδ συγγραφεὺς παρεισῆκται.
Ὅπου δὲ κεῖται δοτικῶς ἄλλος μὲν ὁ συγγράψας˙
ἀνήνεκται δὲ τῷ Δαβὶδ ὥσπερ ἀνάθημά τι.
Πρὸς τούτοις μάθε τι δηλοῖ ἡ τῶν διαψαλμάτων
φωνὴ κειμένη τῶν ψαλμῶν ἐνίως καὶ πολλάκις˙
ἔστι δὲ τὸ διάψαλμα μεταβολή τις μέλους˙
ἐν γὰρ ὀργάνοις μουσικοῖς τῶν ψαλμῶν λεγομένων
πολλάκις μεταβάλλονται εἰς ῥυθμοὺς διαφόρους˙
ὡς ἐν χορδῇ ὡς ἐν φωνῇ τῶν μελῶν αἱ συνθέσεις.
ἢ νοῆσον διάψαλμα μεταβολὴν προσώπου˙
μελωδουμένου γὰρ ψαλμοῦ πρός τινος χοροψάλτου,
ἕτερος ὑπεδέχετο τούτου τὴν ἁρμονίαν.
Ἢ διάψαλμʹ ὠνόμασται τὸ διάλειμμα τάχα;
Γρηγόριος δʹ ὁ νυσαεὺς ἄλλην αἰτίαν λέγει˙
ὡς ἄνωθεν τοῦ πμεύματος ἀεὶ χορηγουμένου
τοῖς τοὺς ψαλμοὺς συγγράψασι πρὸς δὲ καῖ μελωδοῦσι
ἐγίνετό τις ἔλλαμψις κρείττων καὶ θειοτέρα,
πρὸς ἣν ὁ μύστης ἵστατο ὥσπερ ἐκπεπληγμένος˙
ταύτην τοίνυν τὴν μεταξὺ τῶν μεμουσουργημένων
ἢ τομὴν ἢ διάλειμμα ἢ μέλους ἡσυχίαν
ὁ λόγος κατωνόμασε διάψαλμα πανσόφως.
οἱ δὲ σὲλ ἐπιγράφουσιν ἀντὶ διαψαλμάτων˙
ἑβραϊκὴ δʹ ἡ συλλαβὴ. Δηλοῖ δʹ ἀειλογίαν˙
δηλοῖ δὲ τὰς τοῦ πνεύματος ἀειρρύτους ἐλλάμψεις˙
κἂν γὰρ μικρὸν ἐπέπαυτο τῷ ψαλμωδῷ τὸ μέλος,
ἀλλʹ ἡ πνευματικὴ φθογγὴ ἦν ἀεὶ φωνουμένη.
Text source L. Westerink, 1992, Michaelis Pselli poemata, Stuttgart: 11-12
Text status Text completely known
Editorial status Critical text
Genre(s) Author-related epigram
Person(s)
Poet
Michael Psellos (1018-1081) - PBW: Michael/61/
Metre(s) Decapentasyllable
Subject(s)
Tag(s) Introduction to the subject
Comment = Michael Psellos, Poem 1, vv. 262-291.
Bibliography
Number of verses 30
Occurrence(s) [16927] Τὸ μὲν δὴ οὖν ψαλμὸς δαβὶδ γενικῶς εἰρημένον
OXFORD - Bodleian Library - Clarke 15 (f. 1r-2v)
(30 verses)
Acknowledgements
Contributor(s)
Identification Vassis ICB 2005, 769: "In psalterium"
Permalink https://www.dbbe.ugent.be/types/5640
Last modified: 2021-09-03.