Type 4999
(formerly typ/3052)
Τοῦ παντάνακτος καὶ Θεοῦ Λόγου φύσει | |
τὴν πρὸς βροτοὺς ξένην τε καὶ ὑπὲρ λόγον | |
ἀσύγχυτον πρόσληψιν, ἄφραστον κρᾶσιν, | |
Μωσῆς μὲν ἤδη τῷ νόμῳ διαγράφων | |
δήλους παριστᾷ τῷ τύπῳ τὰς ἐκβάσεις, | |
ταύτης προφαίνων εὐμαρῶς τὰς εἰσόδους, | |
ὡς ἡ Γένησις, Ἔξοδος, Ἀριθμοί τε, | |
τὸ Λευϊτικὸν καὶ τοῦ Δευτέρου νόμου | |
ἡ βίβλος ἡμᾶς ἐκδιδάσκει πανσόφως, | |
δι᾽ ὧν προῆλθε παντάναξ Θεὸς Λόγος | |
ὡς δημιουργὸς οὐρανοῦ τε καὶ χθονός, | |
τὰ πάντα λοιπὸν ὡς ἐπίσταται μόνος | |
διευθύνων βροτῶν περ εἰς σωτηρίαν. | |
οὕτω γὰρ ἦρκε πρὸς ἑαυτὸν τοὺς φίλους | |
ἐκ γῆς ἀνυψῶν θαύμασιν ὑπὲρ φύσιν, | |
οὕτως Ἰησοῦς καὶ Κριταί, Ροῦθ ὡς ξένη | |
καὶ Βασιλειῶν ἡ τετράριθμος βάσις, | |
οὕτως ὁ Ἔσδρας τοῖν δυοῖν τῶν βιβλίων | |
αἴρει τὸ κῦδος καὶ γεραίρει τὸ σθένος, | |
οὕτω γυναῖκες εὐσεβῆ πανοπλίᾳ, | |
Ἐσθήρ, Ἰουδὴθ ἐκραταίωσαν νίκας, | |
οὕτως ὁ Τωβὶτ ἐκκαθαίρεται λύμης, | |
τῶν ὀμμάτων γὰρ ἔσχε συμφορῶν πέρας, | |
οὕτω δὲ λοιπὸν καὶ τὰ τῶν Μακκαβαίων | |
εἰς ὕψος ἦρται τῆς πρὸς αὐτὸν ἀγάπης, | |
οὕτως Ἰὼβ μὲν καρτερεῖ τὴν κοπρίαν, | |
Σατᾶν δὲ βάλλει τὴν ὀλέθριον πλάνην, | |
οὕτως ὁ Δαυὶδ ὡς ᾄδει τὴν κιννύραν | |
υἱὸν ἑαυτοῦ τὸν Χριστὸν προδεικνύει, | |
οὕτω σοφίας εὗρεν Σαλομὼν πλάτος, | |
οὕτω προφητῶν πνευματέμφορον στόμα | |
σαφῶς ἐλευσόμενον Χριστὸν προγράφει· | |
εἷς γὰρ προῆλθεν ἐκ δυοῖν ἐναντίων, | |
μέροψ τέλειος καὶ Θεὸς φύσει πέλων. | |
οὕτω τετρακτὺς τῶν σοφῶν θεηγόρων | |
εὐαγγελιστῶν αὖθις ἐμπεδοῖ φόβῳ, | |
οὕτω μαθητῶν οἱ θεόπνευστοι λόγοι, | |
Παύλου τε τοῦ κήρυκος ἔνθεον στόμα | |
ἐπιστολαῖς εἵλκυσαν τὴν οἰκουμένην· | |
τί γάρ ἐρευνᾶν ✝τὴν τομὴν✝ τῶν φληνάφων; | |
οὕτω Λέων ὁ θερμὸς ἐντολῶν φύλαξ, | |
πιστὸς ταμίας τῶν ἀνακτόρων πέλων, | |
τῆς εὐσεβείας εὐκλεῶς τὰς ἀξίας | |
φέρων ἑαυτῷ, τὴν πρωτοσπαθαρίου, | |
πατρικίου τε καὶ τὴν τοῦ πραιποσίτου, | |
ἐπείπερ ὄλβον ὥσπερ ἐν τῇ καρδίᾳ | |
τέτευχεν πίστιν, ναὶ γὰρ οὕτω καὶ βίβλοις | |
ταύτην τεθεικώς, δῶρον ἐμπύρῳ πόθῳ | |
τῇ Παρθένῳ καὶ μητρὶ τοῦ Θεοῦ Λόγου, | |
δέλτον προσάγει τήνδε τὴν θεηγόρον | |
ἔχουσαν ἔνδον πᾶσαν ἔνθεον βίβλον, | |
λύτρωσιν ἔνθεν ἀμπλακημάτων θέλων | |
σαφῶς μετασχεῖν, οὐδὲ γὰρ κατ’ ἀξίαν | |
εὑρεῖν τις ἰσχύσειεν ὄλβον προσφέρειν. | |
δέχοιο δ᾽ ἔνθεν, ὦ πανύμνητε κόρη, | |
διδοῦσ᾽ ἀεί μοι πνεῦμα συντετριμμένον, | |
λαμπρὸν βίον τε καὶ καθαρὰν καρδίαν | |
πλουτεῖν ὅπως με τῆς ἄνω τυχεῖν δόξης, | |
τόν σοι τὸ δῶρον καὶ καλῷ μου προστάτῃ | |
Νικολάῳ σπένδοντα καρδίας πόθῳ. |
Title(s) | Ἴαμβοι δηλοῦντες τόν τε ἀκριβῆ ἀριθμὸν τῶν βιβλίων καὶ τὴν σύνθεσιν παλαιᾶς τε κ(αὶ) νέας, καὶ τὸν κτήτορα ὑποφαίνοντα τὸν ταῦτα γεγραφότα. |
Text source | A. Rhoby, 2018, Ausgewählte Byzantinische Epigramme in Illuminierten Handschriften, Wien: 472-476 |
Text status | Text completely known |
Editorial status | Critical text |
Genre(s) | |
Metre(s) | Dodecasyllable |
Subject(s) |
|
Tag(s) | |
Critical Notes | 40 ✝τὴν τομὴν✝ ] τὴν τόλμην or τοὺς τόμους Mango |
Translation(s) |
|
Bibliography |
Primary
|
Number of verses | 60 |
Occurrence(s) |
[21955] τοῦ παντάνακτος καὶ θεοῦ λόγου φύσει
[926-975]
VATICAN CITY - Biblioteca Apostolica Vaticana - Reg. gr. 1 [926-975] (f. 1r-1v) (60 verses) |
Acknowledgements |
The credits system has been implemented in 2019. Credits from before the new system was in use might be incomplete. |
Identification |
|
Permalink | https://www.dbbe.ugent.be/types/4999 |
Last modified: 2021-09-03.