Occurrence 21955
(formerly occ/5822)
+ ἴαμβοι δηλοῦντες· τόν τε ἀκριβῆ ἀριθμὸν | τῶν βιβλίων καὶ την σύνθεσιν παλαιᾶς τε κ(αὶ) | νεας: καὶ τον κτήτορα ὑποφαίνοντα τον | ταῦτα γεγραφότα: | |
+ τοῦ παντάνακτος καὶ θεοῦ λόγου φύσει: | |
τὴν πρὸς βροτοὺς ξένην τε καὶ ὑπερλόγον: | |
ἀσύγχυτον πρόσληψιν ἄφραστον κράσιν: | |
μωσῆς μὲν ἤδη τὸν νόμον διἀγράφων: | |
δήλους παριστᾶ τῶ τύπω τὰς ἐκβάσεις: | |
ταύτης προφαίνων εὐμαρῶς τὰς εἰσόδους: | |
ὡς ἡ γένησις ἔξοδος ἀριθμοί τε: | |
τὸ λευιτικὸν καὶ τοῦ δευτέρου νόμου: | |
ἡ βίβλος ἡμᾶς ἐκδιδάσκει πανσόφως: | |
δι᾽ ὧν προῆλθε παντάναξ θ(εο)ς λόγος: | |
ὡς δημιουργὸς οὐρανοῦ τε καὶ χθονός: | |
τὰ πάντα λυπὸν ὡς ἐπίσταται μόνος: | |
διἐυθύνων βροτῶν περ εἰς σωτηρίαν: | |
οὕτω γὰρ ἦρκεν πρὸς ἑαυτὸν τοὺς φίλους: | |
ἐκ γῆς ἀνυψῶν θαύμασιν ὑπερ φύσιν: | |
οὕτως ιησοῦς καὶ κριταὶ ροὺθ ὡς ξένοι: | |
καὶ βασιλειῶν ἡ τετράριθμος βάσις: | |
οὕτως ὁ ἔσδρας τοῖν δυοῖν τῶν βιβλίων: | |
αἴρει το κῦδος καὶ γεραίρει τὸ σθένος: | |
οὕτω γυναίκες εὐσεβῆ πανοπλία: | |
ἐσθὴρ ιουδὴθ ἐκραταίωσαν νίκας: | |
οὕτως ὁ τωβὶτ ἐκκαθαίρεται λίμης: | |
τῶν ὀμμάτων γὰρ ἔσχε σύμφορῶν πέρας: | |
οὕτω δὲ λοιπὸν καὶ τα τῶν μακκαβαίων: | |
εἰς ὕψος ἤρται τῆς προς αὐτὸν ἀγάπης: | |
οὕτως ἰὼβ μὲν καρτερεῖ τὴν κοπρίαν: | |
σατᾶν δὲ βάλλει τὴν ὀλέθριον πλάνην: | |
οὕτως ὁ δα(υι)δ ὠς ἅδει τὴν κιννύραν: | |
υἱὸν ἐαυτοῦ τὸν χ(ριστο)ν προδεικνύει: | |
οὕτω σοφίας εὖρεν σαλομῶν πλάτος: | |
οὕτω προφητῶν πνευματέμφορον στόμα: | |
σαφῶς ελευσόμενον χ(ριστο)ν προγράφει: | |
εἷς γὰρ προῆλθεν ἐκ δυοῖν ἐναντίων: | |
μέρωψ τέλειος καὶ θ(εο)ς φύσει πέλων: | |
οὕτω τετρακτὺς τῶν σοφων θεηγόρω(ν) | |
εὐἀγγελιστῶν αὖθης ἐμπεδοῖ φόβω: | |
οὕτω μαθητῶν οἱ θεόπνευστοι λόγοι: | |
παύλου τε τοῦ κήρυκος ἔνθεον στόμα: | |
ἐπιστολαις εἵλκυσαν τὴν οἰκουμένην: | |
τί γὰρ ἐρευνᾶν τὴν τομὴν τῶν φληνάφων | |
οὕτω λέων ὁ θερμὸς ἐντολῶν φύλαξ: | |
πιστὸς ταμείας τῶν ἀνακτόρων πέλων: | |
τῆς εὐσεβείας εὐκλεῶς τὰς ἀξίας: | |
φέρων ἑαυτῶ την πρωτοσπαθαρίου: | |
πατρικίου τε καὶ τὴν του πρεποσίτου | |
ἐπείπερ ὄλβον ὥσπερ ἐν τῆ καρδία: | |
τέτευχεν πίστιν ναὶ γὰρ οὕτω καὶ βίβλοις | |
ταύτην τεθηκῶς δῶρον ἐμπύρω πόθω | |
τῆ παρθένω καὶ μ(ητ)ρι τοῦ θεοῦ λόγου: | |
δέλτον προσάγει τήνδε τὴν θεηγόρον: | |
ἔχουσαν ἔνδον πάσαν ἔνθεον βίβλον: | |
λυτρωσιν ἔνθεν ἀμπλακημάτων θέλοι | |
σαφῶς μετασχεῖν οὐδε γὰρ καταξίαν: | |
εὑρεῖν τίς ἰσχύσειεν ὄλβον προσφέρειν: | |
δέχοιο δ᾽ ἔνθεν ὦ πανυμνητε κόρη: | |
διδοῦς ἀεί σοι πνεῦμα συντετριμμένον | |
λαμπρὸν βίον τε καὶ καθαρὰν καρδίαν: | |
πλουτῆν ὅπως με τῆς ἄνω τυχεῖν δόξης: | |
τόν σοι τὸ δῶρον καὶ καλῶ μου προστατη: | |
νικολάω σπένδοντι καρδιας πόθω:- |
Last modified: 2021-05-18.