Type 3480
(formerly typ/1603)

Φράζεο δή μοι μῦθον, Ἀγήνορος ἔκγονε Κάδμε.
Ἠοὺς ἐγρόμενος προλιπὼν ἴθι Πυθῶ δῖαν,
ἠθάδ’ ἔχων ἐσθῆτα καὶ αἰγανέην μετὰ χερσί·
τὴν διά τε Φλεγύων καὶ Φωκίδος ἔς τ’ ἂν ἵκηαι
βουκόλον ἠδὲ βόας κηριτρεφέος Πελάγοντος·
ἐνθάδε προσπελάσας ξυλλάμβανε βοῦν ἐρίμυκον,
ἥ κεν δὴ νώτοισι μετ’ ἀμφοτέροισιν ἔχῃσι
λευκὸν σχῆμ’ ἑκάτερθε περίπλοκον, ἠΰτε μήνης.
Τήνδε σὺ ἡγεμόνα σχεῖν ἀτρέπτοιο κελεύθου.
Σῆμα δέ τοι ἐρέω μαλ’ ἀριφραδὲς, οὐδέ σε λήσει.
Ἔνθα κέ τοι πρώτιστα βοὸς κέρας ἀγραύλοιο
ἥξῃ τε, κλίνῃ τε πέδῳ γόνυ ποιήεντι,
καὶ τότε τὴν μὲν ἔπειτα μελαμφύλλῳ χθονὶ ῥέζειν
ἁγνῶς καὶ καθαρῶς· γαίῃ δ’ ὅταν ἱερὰ ῥέξῃς,
ὄχθῳ ἐπ’ ἀκροτάτῳ κτίζειν πόλιν εὐρυάγυιαν,
δεινὸν Ἐνυαλίου πέμψας φύλακ’ Ἄϊδος εἴσω.
Καὶ σύ γ’ ἐπ’ ἀνθρώπους ὄνομα κλυτὸς ἔσσεαι αὖθις,
ἀθανάτων λεχέων ἀντήσας, ὄλβιε Κάδμε
Text status Text completely known
Editorial status Not a critical text
Genre(s) Text-related epigram
Metre(s) Dactylic hexameter
Tag(s) Reference to content of the book
Bibliography
Number of verses 18
Occurrence(s)
Acknowledgements
Permalink https://www.dbbe.ugent.be/types/3480
Last modified: 2020-08-24.