Type 34621
| Ἂν οὐρανοῦ τὸν γῦρον ἡ δέρρις φέρῃ | |
| Καὶ γῆς τὸ κύτος ὁ στενὸς γράφῃ τύπος, | |
| Καὶ γνώσεως ἄβυσσον οὐ μετρουμένην | |
| Ἡ βίβλος ἥδε συμπερικλείειν φθάνει, | |
| Ἄπειρον ἀόριστον ἄφθονον χύσιν | |
| Σοφῶν ναμάτων ἐκ φλεβῶν τεραστίων. | |
| Ὡς ἀστέρας μὲν λευκοσυνθέτους λόγους | |
| Εἰς πλῆθος ἀμέτρητον ἐκπεπτωκότας | |
| Καὶ παμφαεῖς ἔσχηκε τοῖς θεωμένοις, | |
| Ἔσωθεν αὐγάζοντας ἀνθρώπων φύσιν | |
| Καὶ καταλαμπρύνοντας αὐτῶν τὰς φρένας. | |
| Ὡς ποικιλόχρουν αὖθις ἀνθέων θέαν | |
| Τὸ ποικίλον σύνταγμα τῶν γεγραμμένων | |
| Πάνλαμπρον ἔνδον ἐγκαθειργνύει βίβλος, | |
| Ὡς ὄστρεον μάργαρον, ὡς κάλυξ ῥόδον, | |
| Ὡς ἁλιθρέμμων κόχλος ἄνθος πορφύρας, | |
| Ἐπιστολὰς εἰς κάλλος ἐξειργασμένας, | |
| Ἣ, καὶ λυσιτέλημα τῶν λογεμπόρων, | |
| Θεοδώρου Λάσκαρι τοῦ βασιλέως | |
| Ἄνακτος υἱοῦ παγκλεοῦς Ἰωάννου, | |
| Οὗ θρύλλος ἐξέδραμεν εἰς πᾶσαν χθόνα, | |
| Οὗ τὸ πρὸς ὅπλα καὶ πρὸς ἱππηλασίαν, | |
| Χεῖρα κραταίαν, εὐφυᾶ τόξου τάσιν, | |
| Καὶ πᾶσαν ἄλλην στρατιώτιδα τέχνην | |
| Καὶ πᾶσαν ἄλλην ψυχικὴν εὐανδρίαν | |
| Ἄλλων λόγων πέφυκε καὶ σπουδασμάτων· | |
| Νυνὶ δὲ γραφαὶ καὶ λόγων εὐκοσμία, | |
| Ἐπιστολῶν πόνημα συντεταγμένον. | |
| Μακροὺς μὲν ἄλλους οὗτος ἐκφέρει λόγους, | |
| Τοὺς μὲν πρὸς ἐξέτασιν οἷς φύσις τόπος, | |
| Τοὺς δὲ πρὸς ἀνάπτυξιν οἷς κρείττων ὅρος, | |
| Ἐγκωμίων αὐχοῦντας ἄλλους δ’ αὖ ὕλην, | |
| Πάντας δὲ σεμνοὺς ὡς ὑπεξῃρημένους | |
| Νοήμασι σχήμασι λοιπαῖς ἰδέαις, | |
| Αἷς λαμπρῶς ἅπας ἀγλαΐζεται λόγος. | |
| Τίς δὲ παραπλεύσειεν αὐτῶν τὴν χάριν, | |
| Σειρῆνας ὥσπερ τοῦ Λαερτίου γόνος, | |
| Καὶ μὴ πρὸς αὐταῖς πυξίσι τῶν γραμμάτων | |
| Τὸ σκάφος αὐτοῦ τοῦ νοὸς καθορμίσῃ; | |
| <Ἐ>πείπερ οὐκ ὄλεθρον ἀκροωμένων, | |
| Ζωὴν δὲ μᾶλλον προξενοῦσιν αἱ βίβλοι | |
| Οὔκουν χρόνῳ φθίνουσαν ὡς τῶν σωμάτων. | |
| Καὶ ταῦτα μὲν δὴ μακροσυνθέτων πέρι, | |
| Ἀλλ’ ἐνθαδὶ χάρις τις ἄλλη γραμμάτων | |
| Ἐπιστολιμαία τε πρὸς λόγων φίλους, | |
| Μουσῶν Ἑλικὼν καὶ Πιερία νέα, | |
| Μέλος λιγυρὸν καὶ χορευμάτων κρότος. | |
| Ὠιδῆς τὸ τερπνὸν ποῖον ἐξείποι στόμα; | |
| Ἠχῆς τὸ σεμνὸν ποῖος ἐκφράσοι λόγος; | |
| Ὁ θιασώτης Βάκχος εὐθὺς εὑρέθη | |
| Ἐπεμφορηθεὶς νέκταρος, θείου πότου, | |
| Ὡς ἐκ πόλου ῥέοντος αὐτῆς τῆς βίβλου. | |
| Τί δῆτα μακρὸν ἀποτείνω τὸν λόγον | |
| Καὶ πρὸς πυλῶσι κατέχω τοῦ θαλάμου | |
| Τὴν λίχνον ἀκρόασιν, ἣ σπεύδει δῦναι, | |
| Ὡς ζημιοῦσθαι ζημίαν οὐ μετρίαν; | |
| Εἴσελθε τάχος τάχος ἔνδοθεν, ξένε, | |
| Κατατρύφησον τῶν σοφῶν νοημάτων, | |
| Καὶ πρὸς κόρον πλήσθητι καὶ τῶν σχημάτων, | |
| Μὴ φράσεως ἥδυσμά τι παραδράμῃς· | |
| Γενήσεται γὰρ ὡς γλυκάζον σοι μέλι. | |
| Πάντων κατάκρως ἐμφοροῦ τοῦ βιβλίου | |
| Καὶ τῶν λόγων θαύμαζε τὴν πρώτην βρύσιν. |
| Title(s) | Τοῦ μεγάλου λογοθέτου κυροῦ Γεωργίου τοῦ Ἀκροπολίτου |
| Text source | A. Heisenberg, 1903, Georgii Acropolitae Opera (vol. 2), Leipzig: 7-9 |
| Text status | Text completely known |
| Editorial status | Critical text |
| Genre(s) | |
| Person(s) | |
| Metre(s) | Dodecasyllable |
| Subject(s) | |
| Tag(s) | |
| Comment | Agapitos & Angelov (2018: 52, n. 44): "Theodore responded to the encomiastic preface of his teacher with an encomium of his own" (cf. L. Tartaglia, Theodorus II Ducas Lascaris. Opuscula rhetorica. Berlin - Boston 2000, pp. 96-108). |
| Bibliography | |
| Number of verses | 63 |
| Occurrence(s) |
[34625] Ἂν οὐ(ρα)νοῦ τὸν γῦρον ἡ δέρρις φέρη
[1301-1325]
FLORENCE - Biblioteca Medicea Laurenziana (BML) - Plut. 59, Cod. 35 [1301-1325] (f. 39r-40r) (63 verses) |
| Acknowledgements |
Information on the type courtesy of Krystina Kubina.
Creator(s)
The credits system has been implemented in 2019. Credits from before the new system was in use might be incomplete. |
| Identification | Vassis ICB 2005, 60: "Georg. Acropolites, Praefatio in epistulas Theodori Lascaris" |
| Permalink | https://www.dbbe.ugent.be/types/34621 |
Last modified: 2023-03-06.
