Type 3269
(formerly typ/1402)

Κόλαξ γενέσθαι πῶς δυνήσομαι φίλοις;
ἐλευθέρα γάρ γλῶσσα τοῖς ἐλευθέροις
λοιπόν με δέξαι τῆς ἀληθείας φίλον·
καὶ μή σε θωπεύοντα πρὸς χάριν λέγειν,
ἄλλη τίς ἐστι πείρα τοῖς λογογράφοις
ἐξ ὀργάνου πως τῆς τέχνης συγκειμένης,
ἐν ᾗ πόνων δεῖ καὶ χρόνων καὶ ῥητόρων,
πρὸς οὓς ἐπανθεῖ κάλλος ἐγγενὲς λόγων.
Ὁ δ’ αὐτόκλητος εἰς λογογράφους τρέχων
φύσιν λαχὼν πηδῶσαν εἰς ὃ καὶ τύχη,
τοὐναντίον σφάλλοιτο πίπτων ἀσκόπως
ἄμικτον εἶδος εἰς ἄμικτον μιγνύων
ἐν οἷς ἀκοινώνητος ἡ κοινωνία.
Ἔννοιαν οἷον σφοδρότητος ἐκφέρων
λέξει γλυκείᾳ καὶ πάλιν τουναντίον
καὶ συγχέων ἅπαν τε σῶμα τοῦ λόγου
τέρας τι ποιῶν· ῥίνα πηγνὺς ἀγκύλαις,
ὡς δὲ πρόσωπον δημιουργῶν ἀγκύλαις,
πτέρνας ἐν ὤμοις, ὦτα δ’ αὐτοῖς δακτύλοις
τοιοῦτος ἐστὶ δημιουργὸς εἰς λόγους,
ὁ τὴν φύσιν τρέχουσαν εἰς τούτους ἔχων
καὶ μὴ πρὸς οἰκείωσιν ὢν τῶν ῥητόρων,
τέρας γὰρ ἄλλο δημιουργῶν τοὺς λόγους,
γελωτοποιεῖ μᾶλλον ἢ δημιουργεῖ τοὺς λόγους.
Text source DBBE
Text status Text completely known
Editorial status Not a critical text
Genre(s) Text-related epigram
Metre(s) Dodecasyllable
Tag(s) Reference to content of the book
Bibliography
Number of verses 24
Occurrence(s) [19113] κόλαξ γενέσθαι πῶς δυνήσομαι φίλοις
VATICAN CITY - Biblioteca Apostolica Vaticana - Urb. gr. 152 (f. 1v)
(24 verses)
Acknowledgements Information on the type courtesy of Ioannis Vassis.

Identification Vassis ICB 2005, 412: "Sine titulo"
Permalink https://www.dbbe.ugent.be/types/3269
Last modified: 2021-09-08.