Type 2477
(formerly typ/551)

Τὸ μὲν βιβλίον Ἰωάννης γέγραφε,
μοναχὸς ἀμόναχος ὃς τοῦ Σφοδρόη.
ὁ δοὺς δὲ τούτῳ πρὸς γραφὴν τὸ βιβλίον
Κομνηνός ἐστι Προδρόμου κλῆσιν φέρων
μοναστογνωμόσχημος ἐν μονοτρόποις
(...)
ὅσπερ παλαιᾶς τῆς γραφῆς τὰ βιβλία.
πάσης ἅπαντα γράψας εἰς ἓν βιβλίον.
καὶ τῆς νέας εἰς ἄλλο πάντα πυξία
καὶ κανονικὸν ὑπερηκριβρωμένον
διδασκαλίας τῶν μεγίστων πατέρων
εἰς ἄλλα τεύχη συντεταχὼς ἐμπόνως
τῆς χρυσοτεύκτου τὰς μελωδίας λύρας
τῆς χρυσογλώττου καὶ χρυσορειθροστόμου
καὶ Γρηγορίου τοῦ τορεύοντος λόγους
ἐν πανκάλοις κάλλιστα ταῖς θεωρίαις
τοῦ Καισαρείας ἐμπρέποντος τῷ θρόνῳ
βροτοῖς βίβλον πρέπουσαν ἀρνησιβίοις
ἄλλας βίβλους ἐχούσας ἤθη τῶν ὅλων
Νύσσης τὰ κομψὰ καὶ ξένα καὶ ποικίλα
κάλλη γέμοντα λεκτικῆς εὐμοιρίας
τοὺς συλλογισμοὺς Κυρίλλου, τὰς ἐκφράσεις
τὰς εἰς προφήτας, τὰς βολὰς τῶν φθεγμάτων
ἄλλα τὲ πολλὰ τοῦδε τοῦ μακαρίου
βλαστοῦ Δαμασκοῦ πραγματείας πανσόφους
καὶ τοῦ πάγου δὲ τοῦ σοφῶν ἀρχηγέτου
τὰς ἀγγελικῶν ταγμάτων ἐποψίας
τὰς ἀναβάσεις Κλίμακος τὰς ἐνθέους
τὸ γλυκὺ νέκταρ, ἄρτου ἐξειργασμένον
καὶ πατερικὸν πατέρων διαφόρων
τὴν ἀκολουθίαν τε πᾶσαν τοῦ χρόνου
ἐν ᾗ καθιστόρησε πάντας ἁγίους
καὶ τὰς ἑορτὰς τοῦ θεανθρώπου λόγου
τῆς παναγίας καὶ σταυροῦ τοῦ τιμίου
ἄλλην βίβλον πρέπουσαν ἀσκηταῖς μόνοις
ἐν ᾖπερ εἰκόνισεν ἁγίους ὅλους
καὶ τὰς ἑορτὰς τοῦ ξένου μυστηρίου
καὶ τῆς πανάγνου σταυροῦ τε τοῦ τιμίου
καὶ πνευματικὰς ἄλλας εὐχρήστους βίβλους
ἄπληστος, ἀκόρεστος ὢν ἐν τοῖς λόγοις
γραφὴν ἀφῆκεν οὐδὲ ταύτην ἄγραφον
πλοῦτον τριπλοῦν ἄσυλον εὖγε συνάγων
ὡς ἀντιλάβοι τὸν τριπλοῦν πλοῦτον πάλιν
τὴν ἀντίληψιν τῆς ἁγίας Τριάδος
Text status Text partially unknown
Editorial status Not a critical text
Genre(s) Scribe-related epigram
Metre(s) Dodecasyllable
Subject(s) Music
Tag(s) Spiritual value of the book
Bibliography
Number of verses 44
Occurrence(s) [17968] Τὸ μὲν βιβλίον, ἰω(άνν)ης γέγραφε
VATICAN CITY - Biblioteca Apostolica Vaticana - Vat. gr. 429 (f. 69v-70v)
(64 verses)
Acknowledgements
Permalink https://www.dbbe.ugent.be/types/2477
Last modified: 2021-09-03.