Occurrence 21746
(formerly occ/5601)
κόχλον θαλάττης τὴν βίβλον νομιστέον: | |
ὥσπερ γὰρ αὔτη πρὸς μεσημβρινὰς φλόγας: | |
πτύξιν διαστείλασα τὸν κεκρυμμένον: | |
φαίνει διαυγάζοντα μάργαρον κάτω: | |
οὕτω νοείσθω δέλτος ἡ προκειμένη: | |
ἥτις πόθω ζέοντι τῶν θεοφρόνων: | |
ἀναπτυγεῖσα τὸν νοητὸν τοῦ λόγου: | |
λάμποντα πᾶσι μαργαρίτην δεικνύει: | |
ὃν εἴ τις εἰσδὺς εἰς νοημάτων βάθος: | |
ἐκεῖθεν ἐμπόρευμα τοῦτον λαμβάνει: | |
οὐκοῦν ὁ τοῖσδε τοῖς λόγοις ἐντυγχάνων: | |
πολλῶν δι’ αὐτῶν ἐμφορεῖται κρειττόνων: | |
πολλῶν ἀφράστων ἀξιοῦται θαυμάτων: |
Last modified: 2019-05-22.