Occurrence 18595
(formerly occ/1957)
| Μέμνησθε τοῦ γράψαντος Νείλου π(ατέρ)ες | |
| ἐξαιρέτως δὲ ποιμένος τοῦ τῆς Λάυρας | |
| θύτου μοναχοῦ συνετοῦ Γερασίμου | |
| χρηστοῦ προηνοῦς εὐμενοῦς πραϋθύμου | |
| π(ατρὸ)ς γαληνοῦ συμπαθοῦς ἰφιθύμου | |
| ἁνεξικάκου μακροθύμου πραέος | |
| οἰκτίρμονός τε πάμπαν ἱλαρωτάτου | |
| σεμνοῦ σθεναροῦ δεξιοῦ ποδηγέτου | |
| ἁνδρὸς δοκίμου λίαν ἐντρεχεστάτου | |
| σοφίας μεστοῦ σὺν ἐπιστήμῃ πᾶσῃ | |
| ἄμφω τε θείων καί καθ᾽ ἡμᾶς πραγμάτ(ων) | |
| πείρᾳ μαθόντος τοῦ ποδηγεῖν εὐθέτως | |
| νέους γέροντας ἅπασαν ἡλικίαν | |
| τάξιν τε πᾶσαν μείζονα καὶ μετρίαν | |
| πράως ἱλαρῶς καί πανημέρως ἄγαν | |
| οἷς τὴν τρίβον δείκνυσι τῆς σ(ωτηρ)ίας | |
| ἔργῳ λόγῳ τε χριστοτερπέσι τρόποις | |
| ἐξ ἀνικάνων ἀξίους ὑπεξάγων | |
| ὡς χρηματίσων θεῖον ἐντεῦθεν στόμα | |
| λιτὰς προσάγων ἀγρύπνους ὑπὲρ τέκνων | |
| ἐπιστρέφων τε βελτιῶν ἀγαθύνων | |
| ἐπιστρέφων ὅπου γε κ(αὶ) δεῖ σὺν λόγῳ | |
| ἄλατι θείῳ πανσόφως ἠρτυμένῳ | |
| ἐπιβεβαιῶν συνετίζων εἰσάγων | |
| πύκτας πρὸς αὐλὰς καὶ νομὰς οὐρανίους· | |
| οὕτω σοφὸς πέφυκε καὶ μεγαλόνους | |
| οὗ τῇ κελεύσει τέρμα τερπνὸν ἡ βίβλος | |
| εἴληφ(εν) ὡς ἔνειμεν ἡ θεία χάρις. |
Last modified: 2022-02-15.
