Type 6788
(formerly typ/4684)

Τὰς ἀκρονύχους εἰ μαθεῖν φάσεις θέλεις,
ἀνατολάς τε καὶ δύσεις τῶν ἀστέρων,
παρεὶς τὰ πολλὰ τῶν ὑποψύχρων λόγων,
ἄκουε τρανῶς τῶν ἐμῶν διδαγμάτων.
Ἀστὴρ πρὸ μοιρῶν πεντεκαίδεκα τρέχων
ἐν τοῖς ἄνωθεν ζωδίων ἀναδρόμοις,
τὸν ἥλιον βλέπων δὲ τοῖς κάτω δρόμοις
ποστὴν ὑπεκτρέχοντα μοιρῶν ὧν ἔφην,
ἀνατολὴν ἑώαν εὐδρομῶν τρέχει.
Εἰ δ’ αὖ προδράμοι προδρόμων τῶν ἡλίου
μοίρας ἐλάττους, δύσιν Ἠώαν τρέχει.
Τὰς πέντε καὶ δέκα δὲ τῶν μοιρῶν πάλιν
ἀστὴρ ὁ ῥηθεὶς ὑστερήσας ἡλίου
ἀνατολὴν τρέχει μέν, ἀλλ’ ἐξ ἑσπέρας,
ἑστὼς κατ᾽ αὐτοὺς τοὺς κάτω καταδρόμους,
εἰ δ’ αὖ ἐλάττους, τὴν δύσιν τὴν ἑσπέραν,
μοίρας δὲ πεντήκοντα προδραμὼν τρέχει,
μεσουράνημα καὶ δρόμους ὑπερτάτους.
Μοίρας δ’ ἑκατὸν ὀγδοήκοντα τρέχων,
ἀστὴρ ὄπισθεν ἡλίου διαμέτρως
δύνοντος εἰς γῆν, ἀκρονυχία τρέχει.
Ταυτὶ μὲν ἔγνως καὶ μαθὼν οὕτω νόει,
παρεὶς τὰ πολλὰ τῶν λόγων ληρήματα.
Editorial status Not a critical text
Genre(s)
Metre(s) Dodecasyllable
Subject(s)
Tag(s)
Bibliography
Number of verses 23
Occurrence(s) [25356] τ(ῶν) ἀκρονύχ(ων) εἰ μαθ(εῖν) φύσεις θέλεις
VATICAN CITY - Biblioteca Apostolica Vaticana - Vat. gr. 1332 (f. 176v)
(21 verses)
Identification Vassis ICB 2005, 712: "Ioann.Tzetzes, Scholium in Hesiodum (Op. 564)"
Permalink https://www.dbbe.ugent.be/types/6788
Last modified: 2019-07-18.