Type 6045
(formerly typ/4028)

Τὴν ἔμψυχον βίβλον σε τοῦ ζῶντος λόγου,
Τὴν τῶν φυσικῶν αἰτιῶν ὑπερτέραν,
Καὶ συλλογισμῶν τεχνικῶν ἀλλοτρίαν,
Καὶ γραμματιστοῦ δεξιᾶς ἐλευθέραν,
Ἣν αὐτὸς ἐσφράγισεν ὁ κλείσας πάλαι,
Τὸ πυξίον, τὴν πλάκα, τὸν θεῖον τόμον,
Ἐν ᾧ θεοβράβευτος ἐγράφη τόκος,
Τῆς κτίσεως τὸ θαῦμα τῆς νοουμένης,
Τῆς φύσεως τὸ σφύγμα τῆς παρειμένης,
Τὴν ἐκ βρέφους ἄμεμπτον ὡς ὑπὲρ φύσιν,
Τὴν εἰς φράσιν ἄληπτον ὡς ὑπὲρ λόγον,
Τὴν Μαριὰμ τὸ χρῆμα τῆς σωτηρίας,
Παροῦσαν εὑρὼν μυστικῶς τῷ βιβλίῳ,
Σκιρτῶ καθαρῶς καὶ πλατύνω τὸ στόμα,
Πανηγυρικῶς εὐτρεπίσων τὸν λόγον.
Ἀλλ’ ὡς τεκοῦσα τὸν θεάνθρωπον Λόγον,
Καὶ παρθένος μείνασα τοῦ γένους χάριν,
Ἄνοιξον ἡμῖν τῆς ψυχῆς τὸ βιβλίον,
Καὶ τὴν χάριν ἔγγραψον αὐτῷ τῶν λόγων.
Κἂν γὰρ καθεύδῃς τοῖς νόμοις τῆς φύσεως,
Ἀλλ’ ἐκ φθορᾶς ἄγρυπνος εὑρέθης πάλιν·
Τῆς γὰρ τελευτῆς τῶν νεφῶν ἐπηρμένων
Καὶ βασιλεὺς ἐνταῦθα παρὼν τυγχάνει
Σοφός, γαληνός, εὐστεφής, κοσμοτρόφος,
Καὶ πατριάρχης ὡς θεοῦ μέγας θύτης,
Καὶ τῶν λογικῶν θρεμμάτων οἱ ποιμένες,
Ὡς ἂν ἐκεῖ λαβοῦσα τοὺς ἀποστόλους
Κἀνταῦθα τοὺς σοὺς εὐλογῇς ἀποστόλους.
Editorial status Not a critical text
Genre(s) Text-related epigram
Person(s)
Poet
Manuel Philes (1275-1345) - PLP: XII.29817
Metre(s) Dodecasyllable
Subject(s) Theotokos
Tag(s) Reference to content of the book
Bibliography
Number of verses 28
Occurrence(s)
Identification Vassis ICB 2005, 731: "Manuel Philes, In lectionem sermonis de dormitione Deiparae"
Permalink https://www.dbbe.ugent.be/types/6045
Last modified: 2015-09-09.